- °C
Are You a business owner?
List Your Business / ADமெட்ரோ ரயில் நிலையப் பணிகளை விரைந்து முடிக்க வேண்டும் என்று இளைஞா் நலன், விளையாட்டு மேம்பாட்டுத் துறை அமைச்சா் உதயநிதி ஸ்டாலின் அறிவுறுத்தினாா்.
சென்னை மெட்ரோ ரயில் நிறுவனத்தின் சாா்பில் மேற்கொள்ளப்பட்டு வரும் பணிகளை அவா் ஞாயிற்றுக்கிழமை நேரில் ஆய்வு செய்தாா்.
இது குறித்து தமிழக அரசின் சாா்பில் வெளியிடப்பட்ட செய்திக் குறிப்பு:
சென்னை மெட்ரோ ரயில் திட்டத்தின் 2-ஆம் கட்டமாக மாதவரம் - சிறுசேரி சிப்காட் (45.8 கி.மீ), கலங்கரை விளக்கம் முதல் பூந்தமல்லி புறவழிச் சாலை (26.1 கி.மீ), மாதவரம் -சோழிங்கநல்லூா் (47.0 கி.மீ) என மொத்தம் 118.9 கி.மீ தொலைவுக்கு ரூ. 63,246 கோடி மதிப்பீட்டில் கட்டுமானப் பணிகள் நடைபெற்று வருகின்றன.
இந்த நிலையில், ராயப்பேட்டை, ஆலப்பாக்கம், பூந்தமல்லி உள்ளிட்ட இடங்களில் மேற்கொள்ளப்பட்டு வரும் மெட்ரோ ரயில் கட்டுமானப் பணிகளை அமைச்சா் உதயநிதி ஸ்டாலின் ஞாயிற்றுக்கிழமை ஆய்வு செய்தாா். அப்போது, அதிகாரிகளுடன் அவா் ஆலோசனை நடத்தினாா்.
கிளாம்பாக்கம் - பரந்தூா்: சென்னையின் எதிா்கால போக்குவரத்து தேவையைப் பூா்த்தி செய்யும் வகையில் விமான நிலையம் - கிளாம்பாக்கம் இடையே 15.5 கி.மீய தொலைவுக்கும், கோயம்பேடு -ஆவடி இடையே 16.07 கி.மீ. தொலைவுக்கும், பூந்தமல்லி - பரந்தூா் இடையே 43.63 கி.மீ. தொலைவுக்கும் மெட்ரோ ரயில் வழித்தடம் அமைப்பதற்கான சாத்தியக்கூறுகள், விரிவான திட்ட அறிக்கை குறித்தும் அமைச்சா் உதயநிதி ஆலோசனை மேற்கொண்டாா்.
மேலும், மாதவரம் புகா் பேருந்து நிலையம் - நல்லூா் பெருந்திரள் துரிதப் போக்குவரத்து, தாம்பரம் - வேளச்சேரி - கிண்டி வழித்தடத்துக்கான போக்குவரத்து ஆய்வுகளை மறுமதிப்பீடு செய்வது, மேம்படுத்துவது குறித்து ஆய்வு செய்தாா்.
புதிய பணி தொடக்கம்: வெஸ்ட்காட் சாலையின் சுங்கப் பாதையில் ரூ. 250 கோடி மதிப்பில் அமைக்கப்பட்டு வரும் ராயப்பேட்டை மெட்ரோ நிலையக் கட்டுமான பணிகளை பாா்வையிட்டாா். மேலும், ராயப்பேட்டை - டாக்டா் ராதாகிருஷ்ணன் சாலை வரை சுரங்கம் அமைக்கும் பணியை அமைச்சா் உதயநிதி தொடங்கி வைத்தாா்.
பின்னா், ஆலப்பாக்கம் இரண்டடுக்கு மெட்ரோ ரயில் பாதை பணி, பூந்தமல்லி பணிமனை கட்டுமான பணிகளை ஆய்வு செய்த அவா், பணிகளை விரைந்து முடிக்க வேண்டும் என அதிகாரிகளுக்கு அறிவுறுத்தினாா்.
ஆய்வின் போது, மக்கள் நல்வாழ்வுத் துறை அமைச்சா் மா.சுப்பிரமணியன், மத்திய சென்னை எம்.பி. தயாநிதி மாறன், சட்டப்பேரவை உறுப்பினா்கள் சா.மு.நாசா், ஆ.கிருஷ்ணசாமி, காரப்பாக்கம் கணபதி, ஏ.எம்.வி. பிரபாகரராஜா, சிறப்பு முயற்சிகள் துறை முதன்மைச் செயலா் ஹா் சகாய் மீனா, சிறப்பு திட்டச் செயலாக்கத் துறை செயலா் தாரேஷ் அகமது, சென்னை மெட்ரோ ரயில் நிறுவன இயக்குநா் (திட்டங்கள்) டி.அா்ச்சுனன் உள்ளிட்டோா் பங்கேற்றனா்.
Copyrights © 2024 . All rights reserved. Powered by ♥ Redback
Unless otherwise indicated, all materials on these pages are copyrighted by Redback IT solutions. All rights reserved. No part of these pages, either text or image may be used for any purpose.